Олимпияда совриндори Фред Керли яна ҳибсга олинди — бу сафар Майамидаги тажовуз учун
Америкалик енгил атлетика юлдузи, 2024 йилги Олимпия ўйинларининг икки карра совриндори Фред Керли яна жанжал марказида қолди. Eurosport.fr нашрининг ёзишича, у 1 май куни Майами шаҳрида ҳужумда айбланиб ҳибсга олинган.
Ҳодиса Grand Slam Track мусобақалари доирасида спортчилар учун ажратилган расмий меҳмонхонада содир бўлган. Бу янги халқаро турнирлар туркумини енгил атлетика афсонаси Майкл Жонсон ташкил қилган. 2 май ҳолатига кўра, 29 ёшли Керли ҳанузда қўлга олинган ҳолда сақланмоқда.
Эслатиб ўтамиз, бу Керлининг қонун билан илк муаммоси эмас. 2025 йил январ ойида у Майамида полиция билан келиб чиққан низо туфайли ҳибсга олинган эди. Шунингдек, у болаларининг онасига нисбатан оилавий зўравонликда ҳам айбланган. Ҳар икки ҳолатда ҳам Керли ўзини айбдор деб топмаган.
