Olimpiada sovrindori Fred Kerli yana hibsga olindi — bu safar Mayamidagi tajovuz uchun
Amerikalik yengil atletika yulduzi, 2024 yilgi Olimpiya o‘yinlarining ikki karra sovrindori Fred Kerli yana janjal markazida qoldi. Eurosport.fr nashrining yozishicha, u 1 may kuni Mayami shahrida hujumda ayblanib hibsga olingan.
Hodisa Grand Slam Track musobaqalari doirasida sportchilar uchun ajratilgan rasmiy mehmonxonada sodir bo‘lgan. Bu yangi xalqaro turnirlar turkumini yengil atletika afsonasi Maykl Jonson tashkil qilgan. 2 may holatiga ko‘ra, 29 yoshli Kerli hanuzda qo‘lga olingan holda saqlanmoqda.
Eslatib o‘tamiz, bu Kerlining qonun bilan ilk muammosi emas. 2025 yil yanvar oyida u Mayamida politsiya bilan kelib chiqqan nizo tufayli hibsga olingan edi. Shuningdek, u bolalarining onasiga nisbatan oilaviy zo‘ravonlikda ham ayblangan. Har ikki holatda ham Kerli o‘zini aybdor deb topmagan.
