Олимпия шаҳарчасида MMA бўйича Осиё чемпионати бўлиб ўтмоқда
Тошкент шаҳрида жойлашган Олимпия шаҳарчасида ташкил этилган нуфузли мусобақада қитъанинг энг кучли спортчилари ғолиблик учун октагонда муросасиз жанг олиб бормоқда.
18–20-май кунлари ёшлар ўртасида MMA бўйича II Осиё чемпионати баҳслари ўтказилмоқда. Унда Осиёнинг турли давлатларидан келган иқтидорли ёш спортчилар ўз маҳорати, куч-ғайрати ва жанговор тайёргарлигини намоён этмоқда.
Шунингдек, 22–24-май кунлари эса катталар ўртасида MMA бўйича IV Осиё чемпионати баҳслари бўлиб ўтади.
Ёшлар ўртасидаги беллашувларнинг финал баҳслари ҳам юқори руҳда ташкил этилди. Унда Спорт вазири ўринбосари Шахрилло Махмудов иштирок этиб, ғолиб ва совриндорларни муносиб тақдирлади.
Чемпионатнинг тантанали очилиш маросими 22-май куни соат 17:00 да "Олимпия шаҳарчаси"даги Яккакураш спорт мажмуасида бўлиб ўтади.
