Олимпия шаҳарчаси спорт иншоотларини эксплуатация қилиш масалалари юзасидан тақдимот ўтказилди
Спорт вазири Адҳам Икрамов ҳузурида пойтахтимизда бунёд этилган Олимпия шаҳарчасини эксплуатация қилиш масалалари ҳамда шаҳарча ҳудудидаги барча объектлардан самарали фойдаланишни йўлга қўйиш юзасидан тақдимот бўлиб ўтди.
Спорт вазири ўринбосари Авазжон Каримов томонидан ўтказилган тақдимот давомида Олимпия шаҳарчаси объектларидан фойдаланиш дирекцияси томонидан ушбу йўналишда амалга ошириладиган ишлар, “Рақамлаштириш ва сертификатлаш маркази” МЧЖ билан ҳамкорликда Дирекцияни техник жиҳатдан қўллаб-қувватлаш чора-тадбирлари, шаҳарча ҳудуди ва спорт иншоотларига SMART камералари ва FaceID терминалларини ўрнатиш масалалари муҳокама қилинди.
Йиғилиш давомида Олимпия шаҳарчасини эксплуатация қилишга доир масалаларни ўз вақтида ва сифатли тарзда амалга ошириш юзасидан масъулларга тегишли топшириқлар берилди.
