Olimpiya shaharchasi sport inshootlarini eksplutatsiya qilish masalalari yuzasidan taqdimot o‘tkazildi
Sport vaziri Adham Ikramov huzurida poytaxtimizda bunyod etilgan Olimpiya shaharchasini eksplutatsiya qilish masalalari hamda shaharcha hududidagi barcha obyektlardan samarali foydalanishni yo‘lga qo‘yish yuzasidan taqdimot bo‘lib o‘tdi.
Sport vaziri o‘rinbosari Avazjon Karimov tomonidan o‘tkazilgan taqdimot davomida Olimpiya shaharchasi obyektlaridan foydalanish direksiyasi tomonidan ushbu yo‘nalishda amalga oshiriladigan ishlar, “Raqamlashtirish va sertifikatlash markazi” MCHJ bilan hamkorlikda Direksiyani texnik jihatdan qo‘llab-quvvatlash chora-tadbirlari, shaharcha hududi va sport inshootlariga SMART kameralari va FaceID terminallarni o‘rnatish masalalari muhokama qilindi.
Yig‘ilish davomida Olimpiya shaharchasini eksplutatsiya qilishga doir masalalarni o‘z vaqtida va sifatli tarzda amalga oshirish yuzasidan mas'ullarga tegishli topshiriqlar berildi.
