Олимпиада совриндорлари Будапешт татамида — сўнгги кунда ҳал қилувчи беллашувлар
Будапештда ўтаётган катталар ўртасидаги дзюдо бўйича жаҳон чемпионати яккалик баҳсларининг сўнгги кунига етиб келдик. Бугунги кун дастуридан аёллар ўртасида +78 кг, эркаклар ўртасида эса +100 кг вазн тоифасидаги баҳслар ўрин олган.
Юртдошларимиздан Ирисхон Қурбонбоева мусобақани италиялик Эрика Симонеттига қарши дуэлдан бошлайди. Олимпиада совриндори Алишер Юсупов сенегаллик Мбангник Ндиайега қарши татамига чиқса, Музаффарбек Тўрабоев нидерландиялик Юр Спейкерсга қарши беллашади.
Бугунги кун — жаҳон чемпионатидаги медаллар учун сўнгги имконият. Дзюдочиларимизга ғалаба ва омад ҳамроҳ бўлишини тилаб қоламиз.
Саралаш баҳслари Тошкент вақти билан соат 15:00да бошланади.
Бугунги жуфтликлар:
• +78 кг: Ирисхон Қурбонбоева — Эрика Симонетти (Италия)
• +100 кг: Алишер Юсупов — Мбангник Ндиайе (Сенегал)
• +100 кг: Музаффарбек Тўрабоев — Юр Спейкерс (Нидерландия)
