Олим Ҳакимович: Намуна бўлиб ишланса, албатта натижа ҳам бўлади
Самарқанд шаҳар Олимпия ва паралимпия спорт турларига тайёрлаш маркази директори Багиров Олим Ҳакимович спортчилар билан машғулот жараёнида фаол иштирок этиб, раҳбар учун шахсий намуна муҳимлигини яна бир бор таъкидлади.
— Олим Ҳакимович, бугун сизни спортчилар билан бирга гиламда кўряпмиз. Бунинг сабаби нимада?
— Бугунги кунда раҳбар фақат кабинетда ўтириб бошқариши етарли эмас. Раҳбарлар пастга тушиб, бевосита гиламда ишлаши керак. Спортчи раҳбарни ёнида кўрса, ундан руҳий куч олади. Энг муҳими, бу уларга намуна бўлади. Намуна бўлиб ишланса, албатта натижа ҳам бўлади.
— Сизнингча, бу ёндашув қандай самара беради?
— Агар барча раҳбарлар спортчи билан бирга машғулот жараёнида бўлса, муаммоларни ўз кўзи билан кўради. Шунда ечим ҳам тез топилади. Барчамиз биргаликда ишласак, натижалар янада яхшиланади.
