Olim Hakimovich: Namuna bo‘lib ishlansa, albatta natija ham bo‘ladi
Samarqand shahar Olimpiya va paralimpiya sport turlariga tayyorlash markazi direktori Bagirov Olim Hakimovich sportchilar bilan mashg‘ulot jarayonida faol ishtirok etib, rahbar uchun shaxsiy namuna muhimligini yana bir bor ta’kidladi.
— Olim Hakimovich, bugun sizni sportchilar bilan birga gilamda ko‘ryapmiz. Buning sababi nimada?
— Bugungi kunda rahbar faqat kabinetda o‘tirib boshqarishi yetarli emas. Rahbarlar pastga tushib, bevosita gilamda ishlashi kerak. Sportchi rahbarni yonida ko‘rsa, undan ruhiy kuch oladi. Eng muhimi, bu ularga namuna bo‘ladi. Namuna bo‘lib ishlansa, albatta natija ham bo‘ladi.
— Sizningcha, bu yondashuv qanday samara beradi?
— Agar barcha rahbarlar sportchi bilan birga mashg‘ulot jarayonida bo‘lsa, muammolarni o‘z ko‘zi bilan ko‘radi. Shunda yechim ham tez topiladi. Barchamiz birgalikda ishlasak, natijalar yanada yaxshilanadi.
