Оғир атлетика. Зиёда Худойқулова жаҳон чемпионатининг бронза медалини қабул қилиб олди
Ёш ва истиқболли спортчимиз Зиёда Худойқулова Ёшлар ўртасидаги жаҳон чемпионатида ишончли иштирок этиб, ўз фаолиятидаги илк жаҳон медали — бронза медалини қўлга киритди. Мусобақа давомида у ўзининг халқаро мусобақалардаги шахсий натижасини ҳам яхшилашга муваффақ бўлди.
Ушбу натижа наfaqat Зиёданинг, балки Ўзбекистон спорт делегациясининг жаҳон чемпионатидаги иштирокига ҳам ижобий руҳ бағишлади. Айниқса, бу ютуқ мусобақа жараёнида таваллуд айёмини нишонлаётган Ўзбекистон аёллар терма жамоаси мураббийи Нурилло Тогаев учун ҳам ўзига хос ва эсда қоларли совға бўлди.
Зиёда Худойқуловани, унинг устоз-мураббийларини ҳамда яқинларини ушбу юксак натижа билан самимий табриклаймиз.
Шунингдек, мусобақада иштирок этаётган бошқа спортчиларимиздан ҳам юртимиз шарафини муносиб ҳимоя қилиб, яна юксак натижаларни қўлга киритишларини кутамиз.
