Og'ir atletika. Ziyoda Xudoyqulova jahon chempionatining bronza medalini qabul qilib oldi
Yosh va istiqbolli sportchimiz Ziyoda Xudoyqulova Yoshlar o’rtasidagi jahon chempionatida ishonchli ishtirok etib, o‘z faoliyatidagi ilk jahon medali — bronza medalini qo‘lga kiritdi. Musobaqa davomida u o‘zining xalqaro musobaqalardagi shaxsiy natijasini ham yaxshilashga muvaffaq bo’ldi.
Ushbu natija nafaqat Ziyodaning, balki O‘zbekiston sport delegatsiyasining jahon chempionatidagi ishtirokiga ham ijobiy ruh bag‘ishladi. Ayniqsa, bu yutuq musobaqa jarayonida tavallud ayyomini nishonlayotgan O‘zbekiston ayollar terma jamoasi murabbiyi Nurillo Togayev uchun ham o‘ziga xos va esda qolarli sovg‘a bo‘ldi.
Ziyoda Xudoyqulovani, uning ustoz-murabbiylarini hamda yaqinlarini ushbu yuksak natija bilan samimiy tabriklaymiz.
Shuningdek, musobaqada ishtirok etayotgan boshqa sportchilarimizdan ham yurtimiz sharafini munosib himoya qilib, yana yuksak natijalarni qo‘lga kiritishlarini kutib qolamiz.
