Оғир атлетика. Европа чемпионати-2026: кескин баҳслар ва муросасиз курашлар
Европа чемпионати ўзининг ҳал қилувчи палласига яқинлашмоқда. Ортида қолган кунда мухлислар эркаклар ўртасида -94 кг, аёллар ўртасида эса -86 кг вазн тоифасидаги баҳсларга гувоҳ бўлишди.
-94 кг вазн тоифасида даст кўтариш баҳслари кўплаб иштирокчилар учун мураккаб кечди — муваффақиятсиз уринишлар кўплиги сабаб натижалар жадвали қизил рангга тўлиб кетди. Шунга ўхшаш ҳолат силтаб кўтаришда ҳам кузатилди. Якунда Карлос Насар (Болгария) яна ўз устунлигини намойиш этиб, кетма-кет тўртинчи бор Европа чемпионига айланди.
-94 кг вазн тоифаси натижалари (эркаклар):
1-ўрин. Карлос Насар (Болгария) — 386 кг (183 + 203)
2-ўрин. Ара Аганян (Арманистон) — 381 кг (175 + 206)
3-ўрин. Ромен Имадушен (Франция) — 370 кг (163 + 207)
Аёллар ўртасидаги -86 кг вазн тоифасидаги баҳслар эса кескин ва драматик тарзда якунланди. Чемпионлик масаласи сўнгги уринишда ҳал бўлди.
-86 кг вазн тоифаси натижалари (аёллар):
1-ўрин. Эмма Погосян (Арманистон) — 248 кг (107 + 141)
2-ўрин. Яна Сотиева (Россия) — 247 кг (112 + 135)
3-ўрин. Мадиас Нгаке (Буюк Британия) — 240 кг (111 + 129)
Қайд этиш жоиз, Эмма Погосян силтаб кўтариш ва умумий натижа бўйича ўсмирлар ўртасида Европа рекордларини ҳам янгилади.
