Оғир атлетика бўйича Ўзбекистон Кубоги ва “Марказий Осиё” очиқ чемпионати: рекордлар, ғалабалар ва янги номлар
Хоразм вилояти, Урганч шаҳридаги “Ёшлик” спорт мажмуасида беш кун давомида оғир атлетика ихлосмандлари учун ҳақиқий спорт байрамига айланди. Унда U20 ёшлар ва катталар (эркаклар ҳамда аёллар) ўртасида Ўзбекистон Кубоги ҳамда “Марказий Осиё” очиқ чемпионати ташкил этилди.
Мазкур чемпионатда мамлакатимизнинг барча ҳудудларидан етакчи спортчилар, шунингдек, Туркия, Қирғизистон, Туркманистон ва Тожикистон каби давлатлардан атлетлар қатнашиб, ўз маҳоратларини намойиш этдилар. Ҳар бир баҳс муросасиз курашларга бой бўлиб, томошабинларда катта таассурот қолдирди.
Мусобақа давомида бир неча янги Ўзбекистон рекордлари ўрнатилди. Хусусан, Нигора Абдуллаева, Ригина Адашбоева ва Омадилло Олимов ўз вазн тоифаларида тарихий натижаларга эришиб, миллий рекордларни янгилади.
Шунингдек, мусобақани адолатли ва шаффоф ўтказишни таъминлаш мақсадида допинг назорати ҳам ўтказилди. Бу жараён эса мусобақанинг ҳалоллигини таъминлашга хизмат қилди.
Бундан ташқари, бир қатор номинациялар бўйича энг яхши спортчилар аниқланди:
• Катталар ўртасида энг яхши аёл спортчи — Нигора Абдуллаева
• Ёшлар ўртасида энг яхши қиз бола спортчи — Мадина Файзуллаева
• Катталар ўртасида энг яхши эркак спортчи — Шарофиддин Амриддинов
• Ёшлар ўртасида энг яхши ўғил бола спортчи — Руслан Раҳматжонов
Мусобақа якунига кўра вилоятлар кесимида қуйидаги натижалар қайд этилди:
Катталар – Эркаклар:
1. Тошкент вилояти
2. Самарқанд вилояти
3. Хоразм вилояти
Катталар – Аёллар:
1. Хоразм вилояти
2. Қашқадарё вилояти
3. Навоий ОПСТТМ
Ёшлар – Ўғил болалар:
1. Хоразм вилояти
2. Тошкент вилояти
3. Қорақалпоғистон Республикаси
Ёшлар – Қиз болалар:
1. Хоразм вилояти
2. Навоий ОПСТТМ
3. Наманган вилояти
