Одилхон Камолов Octagon League’дан кетганидан сўнг россиялик Open FC лигасида фаолиятини давом эттиради
Бошқа спорт турлари
Sports24.uz'ни Google'га қўшиш
Расм: prosports.kz Одилхон Камолов
Ўзбекистонлик аралаш жанг санъати жангчиси Одилхон Камолов фаолиятини Россиянинг Open FC лигасида давом эттиради. Бу ҳақда ташкилотнинг расмий Instagram саҳифасида маълум қилинди.
Аввалроқ Камолов Қозоғистондаги Alash Pride ташкилоти билан шартнома имзолашни режалаштирган эди, бироқ келишув амалга ошмади. Бу Octagon League уни жарима сифатида ярим йилга жанглардан четлатгандан сўнг маълум бўлди.
Шундай қилиб, Камолов Octagon’дан кетганидан сўнг иккинчи лига билан шартнома тузмоқда ва энди унинг навбатдаги расмий жанглари Open FC лигасида бўлиб ўтади.
Эслатиб ўтамиз, Одилхон ўтган йил декабрида Тошкентдаги сўнгги жангида Жасур “Тайсон” лақабли жангчига қарши ғалаба қозонган эди.
Бакрадзе Иман
Редактор