Octagon League 2025 йилда Ўзбекистонда бешта турнир ўтказишни режалаштирмоқда

ММА бўйича Қозоғистоннинг Octagon League промоушени жорий йилда Ўзбекистондаги мусобақалар сонини оширишни мўлжаллаган. Бу ҳақда ташкилотнинг мамлакатимиздаги расмий вакили Парвиз Абдумавлонов Fightback YouTube кўрсатувида маълум қилди.

— 2025 йил давомида Ўзбекистонда бешта турнир ўтказиш режалаштирилган. Octagon 72 — шу йилдаги биринчи босқич. Қолган тўртта мусобақанинг иккитаси Тошкентда, иккитаси эса вилоятларда ташкил этилади. Ёзда Самарқандда, агар ҳаммаси муваффақиятли кечса, кузда Андижонда турнир ўтказилиши кутилмоқда, — деди Абдумавлонов.

Octagon League’нинг бу йилги дастлабки мусобақаси 11 май куни Тошкентда бўлиб ўтади.

Бакрадзе Иман

Редактор