Оқ уйда бўлиб ўтадиган UFC кечасининг тўлиқ карди эълон қилинди

UFC раҳбари Дана Уайт мухлислар узоқ кутган тарихий мусобақанинг расмий таркибини эълон қилди. Жанглар АҚШ Президентининг расмий қароргоҳи — Оқ уйда бўлиб ўтади.

Ушбу уникал турнир 14 июн санасига белгиланган бўлиб, у АҚШ мустақиллигининг 250 йиллигига бағишланади. Шунингдек, мазкур сана АҚШнинг амалдаги президенти Дональд Трампнинг туғилган кунига тўғри келиши билан ҳам аҳамиятли.

Турнирнинг асосий карди:

• Илия Топурия — Жастин Гетжи (Ёнғил вазн тоифасида чемпионлик жанги);
• Алекс Перейра — Сирил Ган (Оғир вазн тоифасида вақтинчалик чемпионлик камари учун жанг);
• Шон О'Мэлли — Айман Захаби;
• Маурисио Руффи — Майкл Чендлер;
• Бо Никал — Кайл Даккас;
• Диего Лопес — Стив Гарсия.

Ушбу мусобақа UFC тарихидаги энг кутилмаган ва нуфузли манзил — Оқ уйда ташкил этилаётганлиги билан спорт оламида катта шов-шувларга сабаб бўлмоқда.

Насрулло Каримов

Журналист

0 0 0 0 0 0