Oq uyda boʻlib oʻtadigan UFC kechasining toʻliq kardi eʼlon qilindi

UFC rahbari Dana Uayt muxlislar uzoq kutgan tarixiy musobaqaning rasmiy tarkibini e’lon qildi. Janglar AQSh Prezidentining rasmiy qarorgohi — Oq uyda bo‘lib o‘tadi.

Ushbu unikal turnir 14 iyun sanasiga belgilangan bo‘lib, u AQSh mustaqilligining 250 yilligiga bag‘ishlanadi. Shuningdek, mazkur sana AQShning amaldagi prezidenti Donald Trampning tug‘ilgan kuniga to‘g‘ri kelishi bilan ham ahamiyatli.

Turnirning asosiy kardi:

• Iliya Topuriya — Jastin Getji (Yengil vazn toifasida chempionlik jangi);
• Aleks Pereyra — Siril Gan (Og‘ir vazn toifasida vaqtinchalik chempionlik kamari uchun jang);
• Shon O'Melli — Ayman Zaxabi;
• Maurisio Ruffi — Maykl Chendler;
• Bo Nikal — Kayl Dakas;
• Diego Lopes — Stiv Garsiya.

Ushbu musobaqa UFC tarixidagi eng kutilmagan va nufuzli manzil — Oq uyda tashkil etilayotganligi bilan sport olamida katta shov-shuvlarga sabab bo‘lmoqda.

Nasrullo Karimov

Jurnalist