Нурсултон Рўзибоев — Бо Никалга нега чақирув ташлади?
UFC’нинг ўрта вазн тоифасида ҳаракат қилаётган ўзбекистонлик жангчи Нурсултон Рўзибоев америкалик Бо Никал билан жанг қилиш истагидан қайтмаганини маълум қилди.
«Бо Никални олдиндан кузатиб юрганман. У — кучли курашчи, лекин менимча, у мен учун қулай рақиб. Буни “осон ғалаба қиламан” деган маънода айтмаяпман. Фақатгина, ММА доирасида у менга тўғри келади, деб ўйлайман.
У сўнгги жангини ютқазди, шундай экан, у рейтингда пастлади. Илгари у топ-рақамларда эди, мен эса йўқ эдим — ўша пайтда жанг бўлмасди. Энди вазият ўзгарди: у пастлади, мен эса юқорига яқинлашдим. Шу боисдан, бу жанг рўй бериши мумкин деб ўйлаяпман», — деди Рўзибоев.
Маълумот учун, Нурсултон Рўзибоев сўнгги жангида — 19 май куни Германия вакили Дастин Стольцфусни очколар ҳисобига кўра мағлуб этди. Жангдан сўнг у октагонда туриб Бо Никалга расман чақирув йўллади.
