Нукусдаги қизғин волейбол баҳслари: энг кучли жамоалар аниқланди

Нукус шаҳрида «Беш ташаббус олимпиадаси» доирасида волейбол бўйича ўғил болалар ўртасида 16–21 ва 22–30 ёш тоифалари учун Қорақалпоғистон Республикаси босқичи бўлиб ўтди.

Қизғин ва муросасиз беллашувларга бой мусобақа якунида қуйидаги натижалар қайд этилди:

16–21 ёш тоифасида:
1-ўрин — Мўйноқ тумани, «Қазақдәрья» ОФЙ
2-ўрин — Чимбой тумани, «Қос терек» ОФЙ
3-ўрин — Амударё тумани, «Тош ёп» ОФЙ

22–30 ёш тоифасида:
1-ўрин — Чимбой тумани, «Таза жўл» МФЙ
2-ўрин — Мўйноқ тумани, «Қазақдәрья» ОФЙ
3-ўрин — Қўнғирот тумани, «Моншақли» МФЙ

Мусобақа якунида ғолиб жамоалар ташкилотчилар томонидан диплом ва қимматбаҳо совғалар билан тақдирланди. Шунингдек, улар мусобақанинг навбатдаги босқичига йўлланмага эга бўлди.

Бакрадзе Иман

Редактор