Нодирбек Абдусатторов 5-турда Богдан-Даниэл Дисга қарши дуранг ўйнади

Руминиянинг Бухарест шаҳрида давом этаётган Superbet Chess Classic Romania турнирининг 5-тур учрашувлари ҳам якунланди. Ўзбекистоннинг етакчи шахматчиси Нодирбек Абдусатторов навбатдаги баҳсни мезбон мамлакат вакили — румин гроссмейстери Богдан-Даниэл Дисга қарши ўтказди. Учрашув оқ доналарда кечди ва муроса ила — дуранг натижа билан якунланди.

Бу Абдусатторов учун кетма-кет иккинчи дуранг ҳисобланади. Эслатиб ўтамиз, у 4-турда АҚШ вакили Фабиано Каруанага қарши ҳам очколарни бўлишган эди.

Мусобақа жами 10 иштирокчи ўртасида айлана тизимида ўтказилмоқда ва умумий соврин жамғармаси 350 000 АҚШ долларини ташкил қилади.

Бакрадзе Иман

Редактор

0 0 0 0 0 0