Навоий вилояти спорт таълим муассасаларида ўрганиш ишлари олиб борилмоқда
Бугун Спорт вазирлиги ишчи гуруҳи Навоий вилоятидаги спорт таълим муассасаларида бўлиб, жойларда ўрганиш ишларини олиб борди.
Ўрганишлар давомида спортчилар натижадорлиги ва мусобақалардаги иштирок кўрсаткичлари, оммавий спорт қамрови даражаси, ERP Sport ягона электрон бошқарув тизимида ёшларни рўйхатдан ўтказиш жараёнлари, ҳисоботларнинг ҳаққонийлиги ва шаффофлиги масалалари атрофлича таҳлил қилинмоқда.
Аниқланган камчиликларни бартараф этиш, электрон тизимдан самарали фойдаланиш, спортчиларни мусобақаларга кенг жалб этиш ҳамда натижадорликни ошириш юзасидан мутасаддиларга аниқ тавсия ва кўрсатмалар берилди.
Мазкур ўрганиш ишлари ҳудудларда спорт бошқаруви самарадорлигини ошириш, ёшлар ўртасида оммавий спортни кенг ривожлантириш ҳамда белгиланган вазифалар ижросини таъминлашга хизмат қилади.
