Навоий шаҳрида капитал таъмирдан чиққан қиличбозлик зали фойдаланишга топширилди

Навоий шаҳрида капитал таъмирланган қиличбозлик зали тантанали равишда очилди. Энди ушбу иншоотнинг майдони икки баробарга ошган ва у икки баробар кўпроқ спортчига хизмат қилиш имконига эга.

Бунёдкорлик ва таъмирлаш ишлари НКМК ҳамда корхона касаба уюшмаси Кенгаши маблағлари ҳисобидан амалга оширилди.

Залнинг очилиш маросимида “НКМК” АЖ Бошқарув раиси — бош директор К. Санакулов, “НКМК жамғармаси” ДУ, корхона ходимлари касаба уюшмаси вакиллари ҳамда “Сўғдийона” ФСК тарбияланувчилари иштирок этди.

Тадбирда таъкидланишича, Навоий кон-металлургия комбинати ижтимоий масъулиятли корхона сифатида спортни оммалаштириш, спорт иншоотларини қуриш ва спортчиларни ҳар томонлама қўллаб-қувватлашга алоҳида эътибор қаратиб келмоқда.

Бакрадзе Иман

Редактор