Navoiy shahrida kapital ta'mirdan chiqqan qilichbozlik zali foydalanishga topshirildi
Navoiy shahrida kapital ta'mirdan chiqqan qilichbozlik zali tantanali tarzda ochildi. Endi ushbu inshoot maydoni ikki baravar oshgan va u ikki baravar ko'proq sportchiga xizmat ko'rsatish imkoniyatiga ega.
Bunyodkorlik va ta'mirlash ishlari NКMK hamda korxona kasaba uyushmasi Kengashi mablag'lari hisobidan amalga oshirildi.
Zalning ochilish marosimida “NКMK” AJ Boshqaruv raisi — bosh direktor K. Sanakulov, “NКMK jamg'armasi” DU, korxona xodimlari kasaba uyushmasi vakillari hamda “So'g'diyona” FSK tarbiyalanuvchilari ishtirok etdi.
Tadbirda ta'kidlanishicha, Navoiy kon-metallurgiya kombinati ijtimoiy mas'uliyatli korxona sifatida sportni ommalashtirish, sport inshootlarini qurish va sportchilarni har tomonlama qo'llab-quvvatlashga alohida e'tibor qaratib kelmoqda.
