Намангандаги “Uzbekistan Judo Tour” ғолиб ва совриндорлари аниқланди — 40 ёшли Дилшод Чориев шоҳсупага кўтарилди
Наманган шаҳрида жойлашган “Баркамол авлод” спорт мажмуаси навбатдаги йирик мусобақа — “Uzbekistan Judo Tour”га мезбонлик қилди. 200 миллион сўмлик мукофот жамғармасига эга турнирда -81, -90, -100 ва +100 кг вазн тоифаларида мамлакатнинг етакчи дзюдочилари ғолиблик учун кураш олиб боришди. Ҳар бир вазн тоифасида чемпион 22 миллион, кумуш медаль соҳиблари 14 миллион, бронза медали эгалари эса 7 миллион сўмдан мукофот пулига сазовор бўлди.
Якуний натижаларга кўра, умумжамоа ҳисобида Сурхондарё дзюдо жамоаси 1 та олтин, 2 та кумуш ва 1 та бронза медали билан биринчи ўринни қўлга киритди. Қашқадарёликлар 1 та олтин, 1 та кумуш ва 1 та бронза медали билан иккинчи ўринни эгаллади. Кучли учликни эса 1 та олтин ва 2 та бронза медалига эга бўлган Тошкент шаҳри жамоаси якунлаб берди.
Шунингдек, Жиззах, Самарқанд, Хоразм ва Тошкент вилояти вакиллари ҳам шоҳсупага кўтарилишга муваффақ бўлишди. Ажойиб натижалардан бири — 40 ёшли тажрибали дзюдочи Дилшод Чориевнинг кумуш медаль билан мукофотланганидир.
Барча ғолиб ва совриндорлар:
–81 кг (56 иштирокчи):
Муроджон Йўлдошев (Тошкент ш.)
Алимардон Абдулахатов (Сурхондарё)
Асадбек Норбўтаев (Тошкент вил.)
Бобур Янгибоев (Сурхондарё)
–90 кг (25 иштирокчи):
Шоҳжаҳон Аҳмаджонов (Жиззах)
Рамазон Аллабердиев (Сурхондарё)
Жалолиддин Қурбонмуродов (Қашқадарё)
Алишер Саманов (Самарқанд)
–100 кг (19 иштирокчи):
Жаҳонгир Маматраҳимов (Сурхондарё)
Дилшод Чориев (Тошкент вил.)
Муҳаммадсодиқ Содиқов (Хоразм)
Муҳаммадали Тангриев (Тошкент вил.)
+100 кг (14 иштирокчи):
Исломбек Равшанқулов (Қашқадарё)
Жавоҳир Муродуллаев (Қашқадарё)
Ўткирбек Тўрабоев (Тошкент ш.)
Фазлиддин Рафиқов (Тошкент ш.)
