Наманганда “Uzbekistan Judo Tour” мусобақаси бошланд
Айни дақиқаларда Наманган шаҳридаги "Баркамол авлод" спорт мажмуаси “Uzbekistan Judo Tour” мусобақаси бўлиб ўтмоқда.
Ўзбекистон Республикаси Президентининг “Дзюдо спорт турини яна-да ривожлантириш чора-тадбирлари тўғрисида” 2022-йил 20-июндаги қарори ижросини таъминлаш мақсадида ташкил этилаётган ушбу турнирда жами 114 нафар дзюдочи медаллар учун баҳсларга киришган.
Иштирокчилар орасида терма жамоага номзод таниқли дзюдочилар ҳам бор. Улар -81, -90, -100 ва +100 кг вазн тоифаларида ўзаро беллашишмоқда. Энг кўп қатнашчи -81 кг вазнда бўлиб, совринли ўринлар учун 56 нафар дзюдочи кураш олиб бормоқда.
Наманган “Uzbekistan Judo Tour” мусобақасининг умумий мукофот жамғармаси 200 миллион сўмни ташкил қилади. Ҳар бир вазн ғолиблари 22 млн, кумуш медал соҳиблари 14, бронза медал эгалари эса 7 млн сўмдан мукофот пулига эга бўлади.
