Наманганда универсал жанг тури бўйича вилоят чемпионати бўлиб ўтди
Бугун Янгиқўрғон туманида спортнинг универсал жанг тури бўйича вилояти чемпионати бўлиб ўтди.
"Ёш гвардиячилар" болалар ва ўсмирлар спорт мактабида ташкил этилган ушбу нуфузли чемпионатда ўсмирлар, ёшлар ва катталар иштирок этишди.
Чемпионатда 6 ёшдан 18 ёшгача бўлган юзлаб спортчилар куч синашишди. Мусобақа 3 босқичда ўтказилди:
1-раунд: Спортчилар махсус тайёрланган тўсиқли йўлаклардан ўтишди — зигзаг усулида югуриш, ёшига қараб девордан сакраб ўтиш, гимнастика столидан сакраш, акробатик услубда тўсиқлардан ўтиш, туннел орқали юриш, пневматик қуролдан нишонга ўқ узиш, пичоқ улоқтириш ва баландликка аркон орқали кўтарилиш каби мураккаб элементларни бажаришди.
2-3 раунд: Спортчилар универсал жанг спортининг light (кураш) ва классик (жанг) йўналишларида ўзаро жанговор беллашувларда қатнашиб, жисмоний тайёргарлик, тезлик ва техник маҳоратларини намоён этишди.
