Наманганда U-19 волейбол бўйича Ўзбекистон чемпионати ғолиблари тақдирланди
Бу ҳақда Спорт вазирлиги матбуот хизмати хабар берди.
Бошқа спорт турлари
Sports24.uz'ни Google'га қўшиш
Фото: Спорт вазирлиги
Наманган давлат техника университетининг замонавий спорт мажмуасида волейбол спорт тури бўйича U-19 ёш тоифасидаги Ўзбекистон чемпионати якунланиб, тақдирлаш маросими бўлиб ўтди.
Бир неча кун давом этган мазкур нуфузли мусобақада республикамизнинг барча ҳудудларидан сараланган терма жамоалар иштирок этиб, ўзаро кескин ва муросасиз баҳслар олиб бордилар. Беллашувлар давомида ёш спортчиларнинг жисмоний тайёргарлиги, техник маҳорати ва жамоавий уйғунлиги юқори савияда намоён бўлди.
Мусобақа якунлари қуйидагича:
1-ўрин — Наманган вилояти терма жамоаси
2-ўрин — Андижон вилояти терма жамоаси
3-ўрин — Қорақалпоғистон Республикаси терма жамоаси
Розикжон Султонмуродов
Журналист