Наманганда Қўл жанги бўйича Ўзбекистон Республикаси Президенти кубоги халқаро турнири ўтказилди
Давлатобод туманида жойлашган “Янги Ўзбекистон боғи” амфитеатрида қўл жанги спорт тури бўйича профессионаллар ўртасида Ўзбекистон Республикаси Президенти кубоги учун нуфузли халқаро турнир бўлиб ўтди.
Турнирнинг очилиш маросимида Наманган вилояти ҳокими Шавкатжон Абдураззоқов, Ўзбекистон Республикаси Миллий гвардия қўмондони генерал-полковник, Ўзбекистон ҳуқуқни муҳофаза қилиш органлари қўл жанги федерацияси ҳамда Ўзбекистон камондан отиш федерацияси раиси Баходир Тошматов, Халқаро қўл жанги федерацияси президенти Сергей Астахов, Спорт вазири ўринбосари Авазжон Каримов, соҳа мутасаддилари, фахрий меҳмонлар, мураббийлар ва спорт ихлосмандлари иштирок этди.
Тадбир аввалида давлат мадҳияси янгради ҳамда турнирнинг тантанали очилиш маросими юқори савияда ташкил этилди.
Мусобақа якунида барча ғолиб ва совриндорлар тантанали равишда пул мукофотлари ҳамда қимматбаҳо эсдалик совғалар билан тақдирландилар.
