Наманган “Uzbekistan Judo Tour” мусобақасида ғолиб ва совриндорлар аниқланди
Наманган шаҳридаги "Баркамол авлод" спорт мажмуаси “Uzbekistan Judo Tour” мусобақасига мезбонлик қилди.
Мукофот жамғармаси 200 миллион сўмни ташкил этган турнирда дзюдочилар -81, -90, -100 ва +100 кг вазн тоифаларида ғолиблик йўлида баҳс олиб боришди. Ҳар бир вазн ғолиблари 22 млн, кумуш медал соҳиблари 14, бронза медал эгалари эса 7 млн сўмдан мукофот пулига эга бўлишди.
Мусобақа якунига кўра Сурхондарё вилояти жамоаси 1 та олтин, 2 та кумуш, 1 та бронза медали билан умумжамоа ҳисобида биринчи ўринни эгаллади. Қашқадарёлик дзюдочилар 1 та олтин, 1 та кумуш, 1 та бронза медали билан иккинчи ўринни банд этган бўлса, кучли учликка Тошкент шаҳри жамоаси 1 та олтин ва 2 та бронза медали билан якун яса б беришди.
Шунингдек, Жиззах, Самарқанд, Хоразм ва Тошкент вилояти дзюдочилари ҳам шоҳсунига кўтарилишди.
