Namangan “Uzbekistan Judo Tour” musobaqasida g‘olib va sovrindorlar aniqlandi
Namangan shahridagi "Barkamol avlod" sport majmuasi “Uzbekistan Judo Tour” musobaqasiga mezbonlik qildi.
Mukofot jamg‘armasi 200 million so‘mni tashkil etgan turnirda dzyudochilar -81, -90, -100 va +100 kg vazn toifalarida g‘oliblik yo‘lida bahs olib borishdi. Har bir vazn g‘oliblari 22 mln, kumush medal sohiblari 14, bronza medal egalari esa 7 mln so‘mdan mukofot puliga ega bo‘lishdi.
Musobaqa yakuniga ko‘ra Surxondaryo viloyati jamoasi 1 ta oltin, 2 ta kumush, 1 ta bronza medali bilan umumjamoa hisobida birinchi o‘rinni egalladi. Qashqadaryolik dzyudochilar 1 ta oltin, 1 ta kumush, 1 ta bronza medali bilan ikkinchi o‘rinni band egan bo‘lsa, kuchli uchlikka Toshkent shahri jamoasi 1 ta oltin va 2 ta bronza medali bilan yakun yasab berishdi.
Shuningdek, Jizzax, Samarqand, Xorazm va Toshkent viloyati dzyudochilari ham shohsupaga ko‘tarilishdi.
