Милан-Кортина-2026: Ўзбекистон делегацияси 4 та йўлланма қўлга киритди
Олимпия ўйинлари 6-22 февраль кунлари Италиянинг Милан ҳамда Кортина-д'Ампессо шаҳарларида ўтказилади.
Бошқа спорт турлари
Sports24.uz'ни Google'га қўшиш
Фото: Olympic.uz
Милан-Кортина-2026 қишки Олимпия ўйинлари стартига саноқли кунлар қолди. Ўзбекистонлик спортчилар ушбу йилнинг энг нуфузли мусобақаларидан бирига 4 та йўлланма қўлга киритишди.
Саралаш цикли якунга кўра, Дмитрий Чигирев ҳамда Екатерина Гейниш фигурали учишнинг жуфтлик, Медет Назаров тоғ чанғисининг слалом ва гигант-слалом, Даниил Ейбог шорт-трекнинг 500 метр масофага югуриш йўналишларида Олимпиада йўлланмаларига сазовор бўлишди.
Афсуски, тайёргарлик жараёнида Дмитрий Чигирев жароҳат олиб, Олимпиадагача тиклана олмади. Шу боис, мусобақаларда спортчиларимиз тоғ чанғиси ва шорт-трек дастурларида стартга чиқишади.
Эслатиб ўтамиз, бўлажак қишки Олимпия ўйинлари 6-22 февраль кунлари Италиянинг Милан ҳамда Кортина-д'Ампессо шаҳарларида ўтказилади.
Розикжон Султонмуродов
Журналист