Малайзиянинг Нилай шаҳрида велосипед спортининг трек йўналиши бўйича \"ASEAN TRACK SERIES (PRESIDENT CUP)\" мусобақаси бўлиб ўтади
Малайзиянинг Нилай шаҳрида велосипед спортининг трек йўналиши бўйича "ASEAN TRACK SERIES (PRESIDENT CUP)" мусобақаси бўлиб ўтади. 7-8 ва 10-11 январ кунларига белгиланган турнирда миллий терма жамоа аъзолари ҳам ғолиблик учун кураш олиб боради.
Қайд этиш керак, терма жамоамиз ушбу беллашувларни янги иш бошлаган хорижий мураббий Йохан Дорнбуш (эркаклар) ҳамда Ольга Забелинская (аёллар) бошчилигида иштирок этади.
Баҳсларда қатнашадиган таркибимиз қуйидагича:
Эркаклар:
1. Сергей Ростовцев
2. Владислав Троман
3. Беҳзод Нурматов
4. Данил Фёдоров
Аёллар:
1. Асал Ризаева
2. Нафосат Қозиева
Мазкур мусобақа март ойида Австралиянинг Перт шаҳрида бўлиб ўтадиган трек бўйича Жаҳон Кубогига саралаш босқичини ўтаб беради. Шунингдек, Жаҳон кубокларида жамғариб борилган рейтинг очколари Жаҳон чемпионатида иштирок этиш учун йўлланмани тақдим этади. Маълумот учун, шу йилнинг октябрь ойида ўтадиган трек бўйича жаҳон чемпионатига Хитойнинг Шанхай шаҳри мезбонлик қилади.
