«Максам-Чирчиқ» 2-августдан машғулотларни бошлайди

Тошкент вилоятининг “Максам-Чирчиқ” жамоаси янги мавсумга тайёргарликни 2-август санасидан бошлайди. Машғулотлар “Кимёгар” спорт мажмуасида олиб борилиши режалаштирилган.

Клуб маъмуриятининг маълум қилишича, жамоа ўтган мавсумдаги таркибини тўлиқ сақлаб қолган. Ҳозирча футболчилардан ҳеч бири клубни тарк этиш истагини билдирмаган.

Шунингдек, Ўзбекистон Футзал федерацияси Ижроия қўмитаси тавсияларига мувофиқ, клубда қўшимча штатлар очилиши режалаштирилган. Жумладан, муассисдан алоҳида фаолият юритувчи матбуот хизмати ҳамда тиббиёт бўлими ташкил этилиши кўзда тутилган.

Розикжон Султонмуродов

Журналист

0 0 0 0 0 0