Макс Холлоуэй мураббийи Макгрегор билан трилогия жангига ишонмаяпти
UFC чемпиони Макс Холлоуэйнинг мураббийи Иван Флорес Конор Макгрегорга қарши учинчи жанг бўлишига ишонмаслигини айтди.
Мураббийнинг фикрича, UFC 329 турниридаги реваншнинг илк раундиёқ Макгрегорнинг жароҳат сабаб якунланиши трилогия эҳтимолини кескин камайтирган. Унинг таъкидлашича, Конорнинг ёши, кетма-кет оғир жароҳатлари ва узоқ тикланиш жараёни бундай жангни ташкил этишни қийинлаштиради.
Шу билан бирга, Флорес Холлоуэйнинг Макгрегорга қарши яна жанг қилишдан қочмаётганини, бироқ ҳозирча жамоанинг асосий эътибори бошқа рақибларга қаратилганини маълум қилди.
Эслатиб ўтамиз, UFC 329 турнирида Конор Макгрегор илк раунднинг ўзида тиззасидан оғир жароҳат олиб, жангни давом эттира олмаганди. Натижада Макс Холлоуэй техник нокаут эвазига ғалаба қозонган эди.