Махачев 2025 йилнинг UFC рейтингида биринчи ўринда якунлади
34 ёшли россиялик аралаш якка кураш устаси, UFC енгил вазн тоифасидаги амалдаги чемпион Ислом Махачев 2025 йилни лига рейтингида вазн тоифаларидан қатъи назар энг кучли жангчи сифатида якунлади.
Шунингдек, UFC’нинг енгил вазн (бантамвейд) тоифасидаги 32 ёшли россиялик чемпиони Петр Ян янгиланган топ-15 рейтингда олтинчи ўриндаги ўрнини сақлаб қолди. Қизиғи шундан иборатки, унинг сўнгги рақиби — грузиялик Мераб Двалишвили оғир вазн чемпиони, англиялик Том Аспиналл билан рейтингда ўрин алмашди. Натижада Мераб еттинчи поғонага кўтарилди, Аспиналл эса саккизинчи ўринга тушиб кетди.
Бундан ташқари, UFC’нинг энг енгил вазн (флайвейд) тоифасидаги янги чемпиони, АҚШ вакили Жошуа Ван рейтингда бир поғона пастлаб, 11-ўринни бой берди. Ушбу позиция аввал ўрта вазн чемпиони бўлган жанубий африкалик Дрикус дю Плесси қўлига ўтди. Ҳозирда Жошуа Ван рейтингнинг 12-ўринидан жой олган.
