Лос-Анжелес–2028 Олимпия ўйинлари учун ҳакамлар ва расмий шахслар таркиби тасдиқланди
Халқаро от спорти федерацияси (FEI) Лос-Анжелес шаҳрида бўлиб ўтадиган 2028 йилги Олимпия ўйинларида от спорти бўйича мусобақаларда фаолият олиб борадиган расмий шахслар таркибини тасдиқлади. Ушбу рўйхатга Олимпия ўйинлари давомида турли от спорти йўналишларида муҳим вазифаларни бажарадиган мутахассислар киритилган.
От спортининг тўсиқдан сакраш (конкур) йўналишида техник делегат этиб Грегори Бодо тайинланди. У аввалроқ Париж Олимпиадасида маршрут дизайнерларидан бири сифатида фаолият юритган. Лос-Анжелес–2028 Олимпия ўйинларида конкур бўйича маршрутларни Алан Уейд ишлаб чиқади.
FEI шунингдек, бошқа муҳим лавозимлар бўйича ҳам тайинловларни эълон қилди.
От спортининг учкураш (троеборя) йўналишида техник делегат этиб АҚШ вакили Эндрю Темкин тасдиқланди. У спортчи сифатида фаолиятини якунлаганидан сўнг халқаро мусобақаларда техник делегат сифатида фаол ишлаган тажрибали мутахассис ҳисобланади.
Мазкур йўналишда кросс-дизайнер сифатида Алекс Лохор тасдиқланди.
Лос-Анжелес–2028 Олимпия ўйинларида ветеринария назоратини таъминлаш мақсадида Буюк Британия вакили Марк J. A. Синнотт хорижий ветеринария делегати этиб тайинланди. У 2001 йилдан буён FEI’нинг 4-даражали ветеринари бўлиб, аввалги Олимпия ўйинларида ҳам иштирок этган тажрибали мутахассис ҳисобланади.
От юрттириш ва Пара-от юрттириш йўналишида техник делегат вазифасини Португалия вакили Карлос Лопес бажарди. У FEI’нинг 4-даражали ҳаками бўлиб, юртер ва пара-юртер йўналишларида халқаро тажрибага эга.
Мазкур тайинловлар Лос-Анжелес–2028 Олимпия ўйинлари доирасида от спорти мусобақаларини юқори ташкилий ва профессионал даражада ўтказишга қаратилган.
