Лос-Анжелес-2028: допинг профилактикаси бўйича ишлар жадал кетмоқда
Миллий терма жамоалар спортчилари билан допингга қарши профилактик тадбирлар мунтазам ўтказилади. Шу билан бирга, спортчиларнинг антидопинг қоидаларига қатъий риоя қилиши устидан самарали назорат ўрнатилади. 2025 йил 8 июл санасида Ўзбекистон Республикаси Президенти томонидан имзоланган ПҚ-221-сонли қарор мамлакат спорт ҳаётида муҳим босқични белгилаб берди. Мазкур ҳужжат 2028 йилда АҚШнинг Лос-Анжелес шаҳрида бўлиб ўтадиган XVIII ёзги Олимпия ва ХВИИИ Паралимпия ўйинларига Ўзбекистон спортчиларини ҳар томонлама тайёрлашни назарда тутади.
Алоҳида эътибор допингга қарши курашиш масаласига қаратилди. Қарорга мувофиқ, Миллий терма жамоалар спортчилари билан допингга қарши профилактик тадбирлар мунтазам ўтказилади. Шу билан бирга, спортчиларнинг антидопинг қоидаларига қатъий риоя қилиши устидан самарали назорат ўрнатилади.
Ўзбекистон Миллий антидопинг агентлиги томонидан бу борадаги ишлар бошланди. Агентлик мутахассислари ҳар бир терма жамоа спортчиси билан индивидуал тарзда суҳбатлар ўтказиб, уларнинг допингга қарши кураш борасида билим ва хабардорлик даражасини ошириш, шунингдек, спорт ахлоқи ва ҳалоллик тамойилларини мустаҳкамлашга қаратилган тарғибот ишларини олиб бормоқда.
