Кураш. XV Осиё чемпионатининг биринчи кун ғолиб ва совриндорлари билан танишинг
XV Осиё чемпионатининг биринчи кун ғолиб ва совриндорлари билан танишинг
Тожикистон Республикаси пойтахти Дўшанбе шаҳрида давом этаётган кураш бўйича катталар ўртасидаги XV Осиё чемпионатининг биринчи кун беллашувлари якунланди.
Кун давомида эркаклар ўртасида -60 кг, -66 кг, -73 кг ва -81 кг, аёллар ўртасида эса -70 кг, -78 кг, -87 кг ва +87 кг вазн тоифаларида медаллар учун баҳслар бўлиб ўтди.
Айниқса, финал учрашувларида мезбон Тожикистон ва Кураш ватани Ўзбекистон вакиллари иштирокидаги беллашувлар минглаб мухлисларнинг қизғин қўллаб-қувватлаши ва тинимсиз олқишлари остида кечди.
Юқори маҳорат, кучли ирода ва муросасиз курашларга бой бўлган баҳслар якунида чемпионатнинг биринчи кун ғолиб ва совриндорлари номи маълум бўлди.
XV Осиё чемпионати баҳсларининг иккинчи куни бугун давом этмоқда. Чемпионатнинг иккинчи кунида яна 8 та вазн тоифалари бўйича ғолиб ва совриндорлар аниқланади ҳамда жамоавий ҳисобда чемпионлик учун кураш янада қизғин тус олиши кутилмоқда.