Kurash. XV Osiyo chempionatining birinchi kun g‘olib va sovrindorlari bilan tanishing
XV Osiyo chempionatining birinchi kun g‘olib va sovrindorlari bilan tanishing
Tojikiston Respublikasi poytaxti Dushanbe shahrida davom etayotgan kurash bo‘yicha kattalar o‘rtasidagi XV Osiyo chempionatining birinchi kun bellashuvlari yakunlandi.
Kun davomida erkaklar o‘rtasida -60 kg, -66 kg, -73 kg va -81 kg, ayollar o‘rtasida esa -70 kg, -78 kg, -87 kg va +87 kg vazn toifalarida medallar uchun bahslar bo‘lib o‘tdi.
Ayniqsa, final uchrashuvlarida mezbon Tojikiston va Kurash vatani O‘zbekiston vakillari ishtirokidagi bellashuvlar minglab muxlislarning qizg‘in qo‘llab-quvvatlashi va tinimsiz olqishlari ostida kechdi.
Yuqori mahorat, kuchli iroda va murosasiz kurashlarga boy bo‘lgan bahslar yakunida chempionatning birinchi kun g‘olib va sovrindorlari nomi ma’lum bo‘ldi.
XV Osiyo chempionati bahslarining ikkinchi kuni bugun davom etmoqda. Chempionatning ikkinchi kunida yana 8 ta vazn toifalari bo‘yicha g‘olib va sovrindorlar aniqlanadi hamda jamoaviy hisobda chempionlik uchun kurash yanada qizg‘in tus olishi kutilmoqda.
