Кураш ривожи янги босқич сари: Тошкентда муҳим матбуот анжумани бўлиб ўтди
Бугун, 19 июн куни Тошкентдаги Ахборот ва оммавий коммуникациялар агентлиги биносида “Кураш миллий спорт турини ривожлантириш ва оммалаштиришни янги босқичга олиб чиқиш чора-тадбирлари тўғрисида”ги Президент қарори ижросига бағишланган матбуот анжумани бўлиб ўтди.
Анжуманда Халқаро кураш ассоциацияси президенти ва вице-президентлари, Ўзбекистон Республикаси Мудофаа вазирлиги, Бош прокуратура, Спорт вазирлиги масъуллари, шунингдек, Халқаро ҳарбий спорт кенгаши (CISM) ҳамда бир қатор хорижий кураш федерациялари раҳбарлари иштирок этди.
Ушбу матбуот анжумани — Президент қарорида белгиланган устувор вазифаларни амалга ошириш йўлидаги муҳим қадамлардан бири ҳисобланади.
Қарорга мувофиқ, 2026 йил давомида кураш спорт турини Халқаро ҳарбий спорт кенгаши — CISMнинг расмий спорт дастурига киритиш мақсад қилинган.
