Кураш. Панагюриште Европа чемпионатига шай
Панагюриште Европа чемпионатига шай
14–17 сентябрь кунлари Болгариянинг Панагюриште шаҳрида ўтказиладиган катталар, ёшлар ва ўсмирлар ўртасидаги Европа Кураш чемпионати бўлиб ўтади. Айни вақтда чемпионатга тайёргарлик ишлари якуний босқичга кирди.
Халқаро Кураш Ассоциацияси Администрацияси раҳбари Мансур Мирзаев мусобақада иштирок этиш учун Панагюриште шаҳрига етиб борди.
Европа Кураш Конфедерацияси Президенти Мирампе Илиадес, Болгария Кураш Федерацияси Президенти Димитр Димитров ҳамда Ташкилий қўмита вакиллари иштирокида спорт мажмуаси, иштирокчилар жойлаштириладиган меҳмонхоналар ва бошқа инфратузилма объектлари кўздан кечирилди.
Европанинг турли мамлакатларидан делегациялар Болгарияга етиб келмоқда. Чемпионатда 20 дан ортиқ давлат вакиллари иштирок этиши кутилмоқда.
