Кураш бўйича XV Осиё чемпионатига старт берилди
Тожикистон Республикаси пойтахти Душанбе шаҳрида кураш бўйича катталар ўртасидаги XV Осиё чемпионатининг дастлабки беллашувларига старт берилди.
Мусобақа баҳсларига мезбонлик қилаётган “Dushanbe Tennis Palace and Water Sport Complex” бугун ҳақиқий спорт байрами муҳитига бурканди. Чемпионат муносабати билан байрамона bezatilgan замонавий спорт мажмуасига юзлаб мухлислар ташриф буюрмоқда. 3500 нафар томошабинга мўлжалланган аренадан Осиёнинг энг кучли полвонлари иштирокидаги қизғин баҳслар ўрин олмоқда.
Бугун чемпионатнинг биринчи кун дастури доирасида эркаклар ўртасида -60 кг, -66 кг, -73 кг ва -81 кг, аёллар ўртасида эса -70 кг, -78 кг, -87 кг ва +87 кг вазн тоифаларида ғолиб ва совриндорлар номи аниқланади.
XV Осиё чемпионатида қитъанинг 20 га яқин давлатида келган спортчилар чемпионлик ва рейтинг очколари учун кураш олиб бормоқда.
