Кураш бўйича ўсмирлар ўртасида 13-Ҳиндистон миллий чемпионати бўлиб ўтди
Кураш бўйича ўсмирлар ўртасида 13-Ҳиндистон миллий чемпионати бўлиб ўтди.
Ҳиндистон Республикасининг Бихар штати Патна шаҳрида бўлиб ўтган чемпионат юқори ташкилий савияда ўтказилди.
Уч кун давом этган чемпионатда мамлакатнинг 22 та штатида келган терма жамоалар иштирок этди. Мусобақа доирасида 674 нафар спортчи беллашувларда қатнашиб, Кураш спорти бўйича ўз тайёргарлик даражаси ва техник имкониятларини намоён этди.
Мусобақалар халқаро Кураш қоидалари асосида ўтказилиб, беллашувлар жараёнида ҳакамлик фаолиятини 35 нафар малакали рефери амалга оширди. Шунингдек, ҳакамлар таркибини кенгайтириш ва малакасини ошириш мақсадида 22 нафар ҳакамлик имтиҳони иштирокчилари ҳам баҳолаш ва синов жараёнларида қатнашди.
Чемпионат давомида спортчиларнинг мусобақага пухта тайёргарлигини таъминлашда 69 нафар мураббий фаол иштирок этди.
IKA Техник директори, Ҳиндистон Кураш федерацияси Президенти Рави Капурнинг маълум қилишича:
Патна шаҳрида ўтказилган мазкур чемпионат Ҳиндистонда Кураш спортинитизимли ривожлантириш, ёшлар ўртасида ушбу спорт турини кенг оммалаштириш, шунингдек, истиқболли спортчиларни аниқлаш ва миллий терма жамоа захирасига шакллантириш йўлидаги муҳим босқич сифатида хизмат қилади.
