Косонсойда кураш бўйича вилоят чемпионати бўлиб ўтди
25-апрель куни Косонсой тумани спорт мактабида спортнинг кураш тури бўйича 2013–2014 йилларда туғилган (U-13) кичик ўсмирлар ва қизлар ўртасида Наманган вилояти чемпионати бўлиб ўтди.
Мусобақада вилоятининг турли ҳудудларидан ташриф буюрган ёш полвонлар гиламда ўз маҳоратларини намоён этдилар.
Беллашувлар муросасиз ва қизғин руҳда кечиб, ҳар бир иштирокчи ғалаба учун бор имкониятини ишга солди.
Ёш спортчилар ўзларининг жисмоний тайёргарлиги, чаққонлиги ва кураш услубларини кўрсатиб, томошабинларга чиройли баҳслар улашдилар.
Мусобақа якунида ғолиб ва совриндорлар муносиб равишда тақдирланди.
Ушбу чемпионат ёшлар ўртасида миллий спортимиз — курашни янада ривожлантириш, иқтидорли спортчиларни аниқлаш ҳамда уларни қўллаб-қувватлашда муҳим аҳамият касб этди.
