Kosonsoyda kurash bo’yicha viloyat chempionati bo’lib o’tdi
25-aprel kuni Kosonsoy tumani sport maktabida sportning kurash turi bo‘yicha 2013–2014 yillarda tug‘ilgan (U-13) kichik o‘smirlar va qizlar o‘rtasida Namangan viloyati chempionati bo‘lib o‘tdi.
Musobaqada viloyatimizning turli hududlaridan tashrif buyurgan yosh polvonlar gilamda o‘z mahoratlarini namoyon etdilar.
Bellashuvlar murosasiz va qizg‘in ruhda kechib, har bir ishtirokchi g‘alaba uchun bor imkoniyatini ishga soldi.
Yosh sportchilar o‘zlarining jismoniy tayyorgarligi, chaqqonligi va kurash uslublarini ko‘rsatib, tomoshabinlarga chiroyli bahslar ulashdilar.
Musobaqa yakunida g‘olib va sovrindorlar munosib ravishda taqdirlandi.
Ushbu chempionat yoshlar o‘rtasida milliy sportimiz — kurashni yanada rivojlantirish, iqtidorli sportchilarni aniqlash hamda ularni qo‘llab-quvvatlashda muhim ahamiyat kasb etdi.
