Конор Макгрегор қачон ва кимга қарши жанг қилиши маълум бўлди — манба
Нуфузли канадалик журналист ва инсайдер Ариел Хелвани ўзининг X ижтимоий тармоғидаги саҳифасида UFC раҳбарияти айни дамда ярим енгил ва енгил вазн тоифаларида собиқ UFC чемпиони, ирландиялик Конор Макгрегор ҳамда 66 кг гача бўлган вазнда собиқ чемпион, америкалик Макс Холлоуэй ўртасида жанг ташкил этишни режалаштираётганини маълум қилди.
Мавжуд маълумотларга кўра, ушбу тўқнашув Халқаро жанг ҳафталиги доирасида, 11 июль куни бўлиб ўтадиган UFC 329 турнирида ўтказилади.
Ирландиялик спортчи 2021 йил июль ойидан бери аралаш яккакураш қоидалари бўйича жанг ўтказмади. Ўшанда у UFC 264 турнирида енгил вазнда вақтинчалик UFC камари соҳиб, америкалик Жастин Порьега биринчи раундда техник нокаут (оёғидан олган жароҳати сабаб) билан мағлуб бўлган эди. Унинг профессионал рекордида жами 22 та ғалаба ва 6 та мағлубият қайд этилган.
Макс Холлоуэй эса 34 ёшда. У профессионал даражадаги дебютини 2010 йилнинг сентябр ойида амалга оширган. «Blessed» лақаби билан машҳур бўлган жангчининг ҳисобида 27 та ғалаба (шундан 14 таси муддатидан олдин) ва 9 та мағлубият мавжуд.
