«Классик» курашчиларимиз жаҳон чемпионатида умумжамоа ҳисобида учинчи бўлишди
Спорт курашлари бўйича U20 ёш тоифасидаги жаҳон чемпионатида навбатдаги кун баҳслари ортда қолди. Словакияда ташкил этилаётган чемпионатнинг ортда қолган кунида спортчиларимиз 2 та кумуш ва 1 та бронза медалларига сазовор бўлишди.
Кумуш медал:
-60 кг: Достонбек Орипов
-53 кг: Соҳибжамол Эсбўсинова
Бронза медал:
-50 кг: Нилуфар Нурмуҳаммадова
Юнон-рум кураши баҳсларининг якунига кўра, ҳамюртаримиз 95 очко билан умумжамоа ҳисобида Россия ва Эрондан кейин учинчи ўринни қўлга киритишди.
Бугун кечки дастурда қизларимиздан Муҳайё Нарзиллова -65 кг вазн тоифасида финал баҳсини ўтказса, Феруза Қайратдинова (-62 кг) бронза медали учун кураш олиб боради. Шунингдек, кун давомида эркин ва аёллар кураши баҳсларида яна 3 нафар спортчимиз саралаш босқичида қатнашишади.
Финал:
-65 кг: Муҳайё Нарзиллова – Маргарита Салназаян (Россия)
Бронза медали учун:
-62 кг: Феруза Қайратдинова / Озденур Озмез (Туркия) – Йифан Чжу (Хитой)
