Катталар ўртасидаги Ўзбекистон чемпионати жорий йилнинг ноябрь ойида Бухоро шаҳрида ўтказилиши режалаштирилган
Ҳурматли мураббийлар, спортчилар!!!
Катталар ўртасидаги Ўзбекистон чемпионати жорий йилнинг ноябрь ойида Бухоро шаҳрида ўтказилиши режалаштирилган.
Шу муносабат билан, чемпионатда иштирок этишни истаган спортчилар учун ҳал этувчи регламент талабларини эслатиб ўтамиз — улар халқаро қоидалар ва Федерациянинг ички Низомига асосланган.
Иштирок этиш бўйича чекловлар
Халқаро дзюдо федерацияси (IJF)нинг Sport and Organisation Rules (SOR) қоидабузарликлар бўйича 4.1-бандда шундай дейилади:
IJF рейтингларидан жой олган спортчилар (кадетлар, ёшлар, катталар) бошқа яккакураш турлари бўйича халқаро мусобақаларда иштирок этиш ҳуқуқига эга эмаслар, модомики бу учун IJF томонидан расмий рухсат берилмаган бўлса.
Шу билан бирга, Ўзбекистон дзюдо федерациясининг ички регламентига мувофиқ, чемпионатда иштирок этмоқчи бўлган спортчиларга қуйидагилар қатъиян ман этилган:
— турдош спорт турлари (кураш, самбо, грэпплинг ва ҳ.к.)да иштирок этиш,
— тўй курашларида, оммавий беллашувларда ёки расмий бўлмаган мусобақаларда қатнашиш.
Бу чекловлар чемпионатгача бўлган бутун тайёргарлик даврига тааллуқлидир.
Қоидаларни бузиш учун жавобгарлик
Қоидабузарлик ҳолатида спортчига дисквалификация қўлланилади:
Биринчи марта — 2 ой IJF ва қитъа иттифоқи мусобақаларидан четлаштириш (жумладан йиғинлар ва мусобақалар),
Иккинчи марта — 2 йилга дисквалификация.
Бундан ташқари, спортчи Ўзбекистон чемпионатида иштирок этиш ҳуқуқини йўқотади, у қандай даражада бўлишидан қатъи назар.
Барча мураббийлар ва спортчилар ушбу талабларга қатъий амал қилишларини илтимос қиламиз.
Чемпионатга тайёргарлик IJF талаблари ва тасдиқланган услуб асосида олиб борилиши лозим.
