“Катта Дубулға”нинг иккинчи куни: татамида муҳим синовлар
Мўғулистон пойтахти Улан-Баторда ўтаётган нуфузли “Катта Дубулға” турнирининг иккинчи куни старт олди. Бугун татамига чиққан спортчилар медаллар билан бирга халқаро рейтинг учун муҳим очколарни ҳам қўлга киритиш учун курашадилар.
Эркаклар -73 кг ва -81 кг, аёллар -63 кг ва -70 кг вазн тоифаларида баҳслар ўтказилмоқда. Ўзбекистон шарафини бугун Ҳожиакбар Тошев, Муроджон Йўлдошев ва Амирбек Аминов ҳимоя қилади. Мутахассислар ушбу спортчилардан юқори натижалар кутмоқда.
Жанговар руҳда ўтади деб кутилган жангларда юртдошларимизга қуйидаги рақиблар тўғри келади:
• -73 кг: Ҳожиакбар Тошев ўз биринчи баҳсини Грузиялик Матэ Беруашвили ёки Хитой спортчиси Лин Гаохуейга қарши ўтказади.
• -81 кг: Муроджон Йўлдошевга IJF номидан Абдул-Керим Тасуев ёки Қирғизистон вакили Алмазжан уулу Тегин рақиб бўлади.
• -81 кг: Амирбек Аминов эса Грузиялик Котэ Капанадзе билан куч синашади.
Бу беллашувлардаги ҳар бир ғалаба нафақат медал, балки келгусида Олимпиада йўлланмалари учун зарур бўлган рейтинг очколарини ҳам таъминлаб беради.
Дзюдочиларимизга омад ва зафарлар тилаймиз! Улар юртимиз шарафини муносиб ҳимоя қилади, деган умиддамиз.
