Картингчиларимиз Қозоғистондаги халқаро турнирда иштирок этди
Ўзбекистонлик картингчилар Қозоғистон Республикаси картинг бўйича халқаро тоифалардаги чемпионатининг 1-босқичида.
26–27-апрель кунлари Ўзбекистоннинг Миллий Автомобиль ва Мотоцикл Федерацияси (NAFKU) лицензиясига эга бўлган спортчилар Қозоғистон Республикаси картинг бўйича халқаро синфлардаги чемпионатнинг 1-босқичида иштирок этишди. Мусобақалар Sokol International Circuit автодромида бўлиб ўтди. Ўзбекистон вакиллари Mini, OK-J ва Rotax Max тоифаларида қатнашишди.
Якуний натижаларга кўра:
– Ярослав Храмчихин Mini тоифасида 3-ўринни эгаллади,
– Нажниддинов Камолиддин Rotax Max тоифасида учинчи бўлиб маррага етди,
– Ҳамраев Амир эса OK-J тоифасида 4-ўринни эгаллади.
Мазкур босқич спортчилар учун халқаро майдонда тажриба орттириш ва ўзаро тажриба алмашиш учун ажойиб имконият бўлди.
