ISU Ўзбекистон ёшлар ўртасидаги гран-при учун тўрт йўналишда жами 9 та йўлланма ажратди
Халқаро конкичилар иттифоқи (ISU) 2025/26 йилги ёшлар ўртасидаги гран-при серияси учун квоталарни эълон қилди. Унга кўра, Ўзбекистон терма жамоасига барча тўрт йўналиш — якка юриш (йигитлар ва қизлар), жуфтликлар ҳамда рақсли жуфтликлар бўйича жами 9 та йўлланма берилди.
Якка юриш бўйича:
Ўзбекистон вакиллари Туркияда (27–30 август) ҳамда Озарбайжонда (24–27 сентябр) бўлиб ўтадиган босқичларда иштирок этадилар.
Жуфтликлар йўналишида:
Спортчиларимиз Латвия (20–23 август), Туркия (27–30 август) ва Таиландда
(9–13 сентябр) ўтказиладиган босқичларда ўз маҳоратларини намоён этадилар.
Рақсли жуфтликлар бўйича:
Ўзбекистон терма жамоаси Туркия ва Озарбайжондаги босқичларда қатнашади.
Айни пайтда Ўзбекистон МОҚ ёки мамлакатда ҳозирча мавжуд бўлмаган Қишки спорт турлари федерацияси мусобақаларда юртимиз шарафини ҳимоя қиладиган спортчилар рўйхатини эълон қилгани йўқ.
